الاثنين، 1 أغسطس 2016
كلية العلوم الطبية التطبيقية
 |
| كلية العلوم الطبيه التطبيقيه |
كلية العلوم الطبية التطبيقية الكلية موجودة فى 5 جامعات مصرية (3 جامعات خاصة و جامعتين حكوميتين هما بنى سويف والمنوفية) مش هنتكلم عن الكلية فى الجامعات الخاصة علشان متكونش دعاية موجهة ليهم لكن خلونا نتكلم عن الكلية فى الجامعات الحكومية سنة 2014 أنشئت الكلية تحت مسمى "العلوم الصحية التطبيقية" فى عهد د. أمين لطفى رئيس جامعة بنى سويف وتولى عمادة الكلية د. راندا الكلية فى الوقت دا كانت بتقبل المتقدمين من الشعبتين العلمية علوم والعلمية رياضة خارج سباق التنسيق الإلكترونى عن طريق التقديم الورقى وكانت النتيجة النهائية للتنسيق 95% لشعبة العلمية علوم و 85% لشعبة العلمية رياضة سنة 2015 أنشئت تانى كلية تحت مسمى "العلوم الصحية التطبيقية" فى عهد د. معوض الخولى رئيس جامعة المنوفية وتولى عمادة الكلية د. مشيرة عبدالواحد فى الوقت دا الكلية كانت بتقبل المتقدمين من الشعبتين العلمية علوم والعلمية رياضة عن طريق سباق التنسيق الإلكترونى وكانت النتيجة النهائية للتنسيق 96.5% لشعبة العمية علوم و92% لشعبة العلمية رياضة وتفوقت الكلية فى تانى سنة ليها وأول سنة فى سباق التنسيق على كليات الطب البيطرى بالنسبة لشعبة العلمية علوم واقتربت من كليات الحاسبات والمعلومات بالنسبة لشعبة العلمية رياضة والجدير بالذكر إن كلية العلوم الطبية التطبيقية فى جامعة المنوفية تفوقت على معظم كليات الحاسبات والمعلومات بالجمهورية خلال الفصل الدراسى الثانى كأى كلية وليدة مرت الكلية بعدد من المشاكل ودا الشئ اللى خلى طلاب الكليتين فى بنى سويف والمنوفية يعملوا وقفات احتجاجية لتحقيق بعض المطالب كان أبرزها : - تغيير مسمى الكلية للعلوم الطبية التطبيقية - الحصول على لقب ووصف وظيفى لائق للخريجين وبالفعل بعد فترة من الوقفات استجاب عميد الكلية فى بنى سويف وعميدة الكلية فى المنوفية وقاموا برفع طلب بتغيير المسمى لمجلس الجامعتين وبالفعل مجلس الجامعتين وافق على الطلب وخاطب المجلس الأعلى للجامعات بتغيير المسمى وفى يوم 24 / 7 / 2016م أصدر المجلس الأعلى للجامعات فى جلسته المنعقدة قرار بتغيير مسمى الكلية والموافقة على مطالب الطلبة بالنسبة للدراسة بالكلية فهى باللغة الإنجليزية : سنة General بيتم فيها دراسة مبادئ كل التخصصات 3 سنين تخصص فى قسم معين من أقسام الكلية سنة امتياز أقسام الكلية لشعبة العلمية علوم : أشعة مختبرات طبية صحة عامة رعاية حرجة بصريات أقسام الكلية لشعبة العلمى رياضة : أجهزة طبية ( المنوفية) بصريات (بنى سويف) إدارة طبية (بنى سويف) لو انت بتدور على التعيين فى الكادر التدريسى الجامعى فدى فرصتك الكلية مخرجتش أى دفهات وفرصة التعيين فيها أضعاف أضعاف أى كلية تانية أما لو انت بتدور على اللى بيسموه كلية قمة فأحب أقولك إن الكلية من مفهومكم كلية قمة بالنسبة للتكليف فمفيش أى قرار رسمى بكدا لأن ببساطة مفيش ولا ظفعة اتخرجت وأى قرار تكليف بيصدر مع أول دفعة تتخرج وتخرج لسوق العمل
طب بالنسبة للطالب اللى مجموعه 96.22 .. ممكن يتقبل فيها السنادى ولا لا ؟؟؟ .......... ارجو الرد
ردحذفبالنسبة للطالب اللى مجموعه 96.22 ممكن يتقبل فيها ولا لا ؟؟؟
ردحذفارجو الرد
ابنتى حاصلة على 96.2% علوم ثانوى عام هذا العام ومن الشرقية هل توجد فرصة لها فى إحدى الكتيتين ؟
ردحذفgood
ردحذفهل يجب سحب ملف التقديم من الجامعة نفسها ؟ الايمكن التقديم من النت؟
ردحذفينفع احول لطب او صيدلة من علوم؟؟
ردحذفتنسيق كليه العلوم الطبيه 2017 هيوصل لكام في المائه
ردحذف